![](https://blogger.googleusercontent.com/img/b/R29vZ2xl/AVvXsEg8hVsVYNs-Fk13xDhUqaCbgD5tccsfLXWY5c00BKNOmbvjik1tSGmFtDPMjZqZQ4ANThG4R_pg2i0-oUC9nvpxNPuq67leebMU6-alOxFKKWlGg4plXoixAUf-m7aw_gPTcwKdZvKk6Rw/s320/Bird+in+the+mirror.bmp)
ಅಜ್ಞಾನ
ಕನ್ನಡಿಯ ಪಕ್ಕದಿ ಕೂತು
ಗುಬ್ಬಚ್ಚಿ ಬಿಂಬಕೆ ಸೋತು
ಕುಕ್ಕುತ್ತ ಕೊಕ್ಕದು ನೋವು
ಗೊತ್ತಿಲ್ಲದೆ ಮನಕದು ಕಾವು !
ನಿನ್ನಿರುವಿಕೆ ಬ್ರಹ್ಮಾಂಡದಲಿ
ನೋಡುತ ನಾವ್ ಬೇರೆನುತಿರಲು
ಕಾಣೆವು ಅದ್ವೈತವನಲ್ಲಿ
ಕನಸದು ಅರ್ಥೈಸುವುದೆಲ್ಲಿ ?
ಬೆಳಗಾಗೆ ಸೂರ್ಯನು ಬರುವ
ಇರುಳಾಗೆ ಚಂದಿರನಿರುವ
ಈ ಲಾಂದ್ರಗಳೊಳಗಡೆಯಲ್ಲಿ
ಏನಿಹುದದು ತಿಳಿಯದು ಇಲ್ಲಿ !
ಹಿಮಪಾತವು ಒಂದೆಡೆಯಲ್ಲಿ
ಶರಧಿಗಳವು ಬೇರೆಡೆಯಲ್ಲಿ
ಕರವೀರ ಜಾಜಿ ಪುನ್ನಾಗ
ಮರೆವೆವು ನೀನಿತ್ತ ವೈಭೋಗ !
ಇರುವೆಯಿಂದ ಎಂಬತ್ತು ಕೋಟಿ
ಹರಿವು ದೊಡ್ಡ ಇರುವುದೆ ಸಾಟಿ ?
ಬರಗಾಲವು ಕೆಲಭಾಗದಲಿ
ಅನುಗಾಲವು ಚಿಂತಿಪುದಿಲ್ಲಿ !
ಕುಕ್ಕುತ್ತ ಕೊಕ್ಕದು ನೋವು
ಗೊತ್ತಿಲ್ಲದೆ ಮನಕದು ಕಾವು !
ನಿನ್ನಿರುವಿಕೆ ಬ್ರಹ್ಮಾಂಡದಲಿ
ನೋಡುತ ನಾವ್ ಬೇರೆನುತಿರಲು
ಕಾಣೆವು ಅದ್ವೈತವನಲ್ಲಿ
ಕನಸದು ಅರ್ಥೈಸುವುದೆಲ್ಲಿ ?
ಬೆಳಗಾಗೆ ಸೂರ್ಯನು ಬರುವ
ಇರುಳಾಗೆ ಚಂದಿರನಿರುವ
ಈ ಲಾಂದ್ರಗಳೊಳಗಡೆಯಲ್ಲಿ
ಏನಿಹುದದು ತಿಳಿಯದು ಇಲ್ಲಿ !
ಹಿಮಪಾತವು ಒಂದೆಡೆಯಲ್ಲಿ
ಶರಧಿಗಳವು ಬೇರೆಡೆಯಲ್ಲಿ
ಕರವೀರ ಜಾಜಿ ಪುನ್ನಾಗ
ಮರೆವೆವು ನೀನಿತ್ತ ವೈಭೋಗ !
ಇರುವೆಯಿಂದ ಎಂಬತ್ತು ಕೋಟಿ
ಹರಿವು ದೊಡ್ಡ ಇರುವುದೆ ಸಾಟಿ ?
ಬರಗಾಲವು ಕೆಲಭಾಗದಲಿ
ಅನುಗಾಲವು ಚಿಂತಿಪುದಿಲ್ಲಿ !